کۆدار: گەلەکۆمەی داگیرکەرانی کوردستان بە ئیرادەی ئازاد و هۆشیاری نەتەوەیی تێکدەشکێت
لە حاڵێکدا ١٩ساڵ بەسەر پیلانگێری دژی رێبەر ئۆجەلان کە بوو هۆکاری دەرەکوتنی لە سوریە بەرەو ئەوروپا تێپەر ئەبێت لە گەلی کوردستان زیاتر لە هەموو کاتێک لە ئازادی نێزیک بۆتەوە و پتر لە هەموو زەمانێک دەستکەوت و دەرفەتی خۆڵقاندووە. دەوڵەتی فاشیستی تورک بە دروشمی “یەک وڵات، یەک ئاڵا، یەک زمان، یەک نەتەوە” خواستی لە ٩ی جووتمەی ١٩٩٨ گوشار بخاتە سەر دەوڵەتی سوریە و بەوەش بتوانێت رێبەر ئاپۆ تەنگەتاو بکات. هەر موداخیلەی کە لەسەر رێبەر ئوجەلان کرا و پاشان بوویە هۆکاری رادەستکردنی ئەو بە رژیمی تورکیە ئیستاکە نەک گەلی کوردستانی لاواز و ناهۆمێد نەکرد بەڵکوو بە تێکۆشانی ئەو رێبەرە مەزنە لە دوورگەی ئیمرالی وەرچەرخایە هێمای ئازادی و هەوێنی خۆراگری و ئاشتی گەلان.
جێی سەرسوڕمان نیە کاتێک بزانین هەر لەو رۆژەدا تێکۆشەری مەزن چێگڤارا بە دەستی نیزامی ئەمپریالیستی شەهید کرا. ئەمانە نیشان ئەدەن کە دەوڵەتە داگیرکەر و هەژموونگەراکان چۆن دەخوازن دەنگی هەر تێکۆشەرێکی رێگەی ئازادی کپ بکەن. بەڵام ئیستاکە دەبینین لە سایەی بەرخۆدانی ئۆجەلان و چێگڤارا و کەسایەتیە مەزنەکان، ئمرۆکە بە سەدان و هەزاران و ملیۆنان بەرخۆدێر و تێکۆشەری بێ وێنە لە کوردستان و جیهان دژی داگیرکەری هەڵوێست دەگرێت.
پێوسیتە بگوترێت هێزەداگیرکەرەکان بە ساڵانە دەخوازن پرۆژەی دەوڵەت-نەتەوە واتە بۆ هەر نەتەوەیەک دەوڵەتێک دامەزرێنن کە ئەوەش بۆتە هۆی ئەو قەیرانە مەزنە کە ئیستاکە گەلانی رۆژهەڵاتی ناوین و تەنانەت خودی دەوڵەتەکانیش تووشی بوون. هەر بۆیە لە بەرامبەر بەو پرۆژەیە دەستکرد و ماڵوێرانکەرە، رێبەر ئۆجەلان پرۆژەی نەتەوەی دیموکراتیک واتە پێکەوە ژیانی گەلان بە مەرجی پاراستنی ماڤ و ئازادیەکانی پێشخست. ئەمرۆکە جیهان ئیعترافی کردووە کە ئەم پرۆژەیە بۆتە هۆکاری ئاشتی و سەقامگیری و کەمبوونەوە ئاژاوە لە سوریە. بەو بۆنەوە ئەوانەی پلانی دەوڵەت-نەتەوە بە بنەما دەگرن دەبێ بزانین هیچکات دۆستی گەلان نین چون بەردەوام لە قەیران و ئاژاوە و شەڕ دەگەڕێن؛ بەڵام ئەوانەی کە پرۆژەی نەتەوەی دیموکڕاتیک دەکەنە هێمای تێکۆشانی خۆیان نەک خۆ لە شەڕ و ئالۆزی و کوشتن دوور دەکەن بەڵکوو ئازادی و ئارامی و ئاشتیو برایەتی بۆ گەلانی ناوچەکە دەستەبەر ئەکەن.
لەو چوارچێوەیەدا دەبینین سەفەری ئەردۆغان بۆ ئیران پێکدێت. باس لە ئۆپەراسیۆنی هاوبەش دژی گەلی کورد دەکەن، تەنانەت ئەوانەی دەیانگوت ئەردۆغان دۆستی کوردە دیارە بوو لە خەیاڵ دان و هەر لە تارانێش دژی دەسکەوتەکانی گەلی كورد وەستایەوە. کۆماری ئیسلامی ئیرانیش بە ساڵانە دژی گەلانی ئیران و میلەتی کوردستان لە پلانی قرێژ و سەرکوتکاری دایە. هەردووک یەک ئامانجیان هەیە. لەناو بردنی کوردی ئازاد. ئەوان ئەڵێن ئەگەر کورد لە وڵاتانی خۆمان بە ئیرادە بکەین ئەوە گەلانی تریش بێدەنگ ئەبن. جارێکیتر دەخوازن دژی دەسکەوتەکانی گەلی ئیمە رێکەون و ئۆپەراسیونی هاوبەش بکەن. دەوڵەتە داگیرکەرەکان کە هەموو کاتوسات لەگەڵ یەک ناکۆکیان هەیە تا ئاگەنە مژاری کورد هەر دەڵێی هێچ شتێک ڕووی نەداوە، ناکۆکیەکان وەلا ئەنێن و لەسەر خوێنی کوردان رێکەوتنان واژوو ئەکەن. وەک بزووتنەوەی رزگاریخوازی گەلی کوردستان پێشتریش هۆشدارمان دابوو کە ئەو دەوڵەتانە دۆستی کورد نین . با ئیتر کەس خۆ هەڵنەخەڵەتێنێ و هۆشیار ببنەوە. گەل ئیتر قەبووڵی ئەم بارودۆخە ناکات.
لەو سۆنگەیەوە ئیمە وەک کۆدار گەلەکۆمەی ٩ی جووتمە دژی رێبەر ئۆجەلان و ئیرادەی کوردی ئازاد شەرمەزارئەکەین و بانگ لە پارت و رێکخراوە سیاسی و مەدەنێکان ئەکەین بۆئەمەی ڕێگەی لەبەردەم ئەم پلان و گەلەکۆمەی داگیرکەرانی کوردستان بگیرێت بێنە لای یەک و یەکێتی خۆیان ئاوا بکەن. کاناڵ و ئەمرازی ئەو هاوگرتن و یەکرێزیەو چاەسەری کێشەکان لە دامەزراندنی کۆنگەری نەتەوەیی کوردستان تێپەر ئەبێت. هاوکات با دەوڵەت-نەتەوەکان بزانن ئیتر بۆ مرۆڤ و کۆمەڵگایەکی ئازاد ماوەی دروشم گەلێکی وەک تەک نەتەوە، یەک ئاڵا و یەک زمان بەسەر چووە و تێکۆشانی ئینسانی ئازاد بە پێشەنگایەتی کوردی ئازاد و دیموکراتیک مسۆگەر ئەبێت. گەلی قارەمانی ئیمەش زیاتر لە هەموو ساتێک بەدواچوون بۆ سیاسەت و بارودۆخی ناوچەکە ئەکەن و پتر لە هەموو کاتێکیش بە ئیرادە و روحێکی ئازاد ئامادەی هەر گۆڕانکاری و ڕووداوێک کە دێتە پێش. هەر بۆیە بانگ لە گەلی کوردستان و ژنان و گەنجانیش دەکەین كه بەشداری خۆیان بۆ ناو رێزەکانی شۆڕش زیاتر بکەن و به به‌شداربونییان وه‌لامی گه‌له‌كۆمه سه‌ر رێبه‌ر ئاپۆ و گه‌لی كورد بده‌نه‌وه.
کۆمەڵگای دیموکراتیک و ئازادی رۆژهەڵاتی کوردستان- کۆدار
١٧ی رەزبەری ٢٧١٧ی کوردی
٩ی جووتمەی ٢٠١٧ی زایینی
