بانگەوازی بزووتنەوەی کۆدار بۆ پێکهێنانی بەرەی دیموکراسیخواز و چەپەکان
کەڵەکە بوونی ویستوداخوازی سیاسی، یاسایی وئازادیخوازانەی گەلی کوردستان و ئیران لە لایەک و نەبوونی هێزی توانایی کۆماری ئیسلامی بۆ ئاڵۆگوری جەوهەری و هەڵسووکەتی خۆی لە لایەکی تر، گەلی کوردستان و ئیران ناچار دەکات بۆ دەربازکردنی بارودۆخی هەنووکەیی، شێوازی چالاکیەکانی ئیستای خۆی بەرزبکاتەوە و دەرفەتگەلێکی تری سیاسی بخولقێنێت.
بەردەوامکردنی بارودۆخی هەنووکەیی،بە هەمان شێوە کە دەرەنجامی سەپاندنی ئیرادەی حکومەت بە کۆمەڵگا لە رێگەی بەکارهێنانی زەخت و گوشاری سیاسی و ئەمنیە، هۆکاری پەرتەوازەیی، نەبوونی یەکڕیزی و تواندنەوە بەشێکی زۆر لەهێزە دیموکراتیک و خوو گرتنی ئەوان بە کەشوهەوای هەنووکەیشە. حکومەت بە تێگەیشتن لەوەیکە هیچکات توانای ئەوەی نیە پشتیوانی سیتراتژیکی زۆربەی گەلانی ئیران بەدەست بخات، هەوەڵ دەدات هەر چەشنە دیسیپلین و خەباتێکی تر کە دەبێتە سەدەمی هاودەنگی ولێک نیزیکبوونەوەی ئەم هێزانە، لاوازی بکات یا ئەوەیکە لەناوی ببات. لەو پەیوەندیەدا، پەسەندکردنی ئەو بارودۆخە وەک چارەنووسێکی حەتمی لە لایەن هێزەپێشکەوتوو و دیموکراسیخوازەکان، سەڕەڕای ئەوەیکە ساحەی تێکۆشانی کۆمەڵگا تەسکتر دەکاتەوە، هاوکات بوێری دەسەلاتیش بۆ بچووکردنەوەی مەیدانی سیاسەت لەسەر خەڵک زێدەتر دەکات.
لە تەنیشت ئەم رەهەندانە، لە دەرەوەی سنوورەکانی ئیرانیش شەڕ و پێکدادانێک لە نێوان هێزە دیموکڕاتەکان و دەوڵەتانی دەسەڵاتخوازو کۆنەپەرەست لە ئارا دایە. هاوشێوەی ئەم بارودۆخە دەتوانین لە سوریە بیبینین. دەوڵەتە دژەدیموکڕاتەکانی ناوچەکە و سەرجەم دەوڵەتەدەسەڵاتدارە موداخیلەگەرەکان، سەڕەڕای ناکۆکی بەرژەوەندی و ململانەی پەرەپێدانی برەوی خۆیان، لەسەر ئەم پرسە کۆکن کە هەوڵە سیتراتژیک و هومێدبەخشەکانی هێزەدیموکڕاتەکان مەترسیەکە بۆ بەرژەوەندی بەرتەسک و تاکپەرەستانەی سیاسی ئەوان، هەر بەم هۆکارە کۆمەگ کردن دژی کوردان و هاوپەیمانانیان وەک پێشەنگانی شۆڕشی رۆژئاوا بە مەبەستی شکست پێهێنانی تێکۆشانی دیموکراتیان، یەکێک لە هاوکاری هەری بنەڕەتیانەی ئەم دەوڵەتانە دێتە ئەژمار.
لە ئاستی سەروی ناوچەییش، مۆتەی هەڵکشانەوەی ڕوتی راستی توندڕەوی و تاقمە دژە گەلەکان، کۆمەڵێکی زۆر لە وڵاتانی رۆژئاوای دەخاتە مەترسیەوە. بێشک، پڕیشکەی سیاسی ئەو ئاگرە تەنیا بە جوگرافیای ئەو وڵاتانە سنووردار نیە. بە رێژەیەک کە ترسی پەرەپێدانی بناژووخوازی و فاشیزمی ئیسلامی کە ئەمرۆ لە کەسایەتی داعش دێتە بەرچاو مەترسیەکی جیهانی دێتە ئەژمار،بە هەمان رێژەش راستی تووندئاژووی لە رۆژئاواش نیسەی شۆمی نئوفاشیزم لە هەیکەل و ڕواڵەتی تر بە ئیمە نیشان دەدات؛ هەر ئەو فاشیزمەی کە سەرەڕای ڕووکردی خۆوێرانکەرانەی، دەتوانێت هەنگاوەکانی دیموکراتیکانەش لە هەموو جیهان بەرەو نەمان و شکست ببات.
لەوەها کەشوهەوایەکدا کە تاک و کۆمەڵگا لە کوردستان و ئیران، لە نەبوونی ماف، ئازادی، یەکسانی کۆمەڵایەتی و کەرامەتی مرۆڤی لەچنگی دەسەڵات دەناڵێنن، لە هەلومەرجێکدا کە حکومەتی کۆماری ئیسلامی مانەوەی خۆی لە پێشێلکردن و ئینکاری پێکهاتەو هێڵی فکری و گوتارەکانی تر پێناسە دەکات، هەروەها لە کاتێکدا کە رۆژهەڵاتی نێوەڕاست لە هەبوونی خۆیدا بەرەو ژیانەوەو تێپەربوون بەرەو دامەزراندنی داڕشتنەوەیەکەی سیاسی نوێ دەچێت، یەکانە ڕووکردێک کە واتەی پێبدرێت یەکدەنگی، هاوئاهەنگی و پێشبردنی خەباتی هاوبەش لە لایەن هێزگەلێکە کە بە دامەزراندنی دیموکراسی رادیکاڵ لە کوردستان، ئیران و رۆژهەڵاتی ناوەڕاست باوەریان هەبێت.
پەرتەوازەبوون، بۆشایی و قەڵەشتی نێوان بزووتنەوە دیموکڕات و چەپەکان، سەرەڕای وەیکە بۆ خودی ئەو بزووتنەوەانە گران تەواو بووە دەبێتە هۆکاری لاوازبوونی ئیرادەی کۆمەڵانی خەڵکی کوردستان و ئیران. واقعێک کە تەنیا بە قازانجی هێزە بناژووخوازو نادیموکڕاتەکان دەشکێتەوە. ئاگاداربوون لەو مەترسیە بۆ بزووتنەوەگەلێکی کە خۆیان وەک پێشەنگانی رادیکاڵی خەباتکارانە و دیموکڕاتخوازانە پێناسەدەکەن خۆلەخۆیدا نابێت کارێکی ئاستەم بێت. بێ گومان وەرامدانەوە بەو پرسە کە ئەرکی هەری بە پەلەی حیزب و لایەنەکان، رێکخراو و گوتارە پێشکەوتوووخوازەکان لەقۆناخی ئیستایی چیە؟ شتێک دەرەوەی خۆتواناکردن، دەرفەت خولقاندن، هاوئاهەنگی و پەرەپێدانی ئیرادەی بە کۆمەڵ و خەباتی جەماوەر نیە. هەتا ئیرادەی کۆمەڵگای مافخواز و بەرابەرویست، ژنان، کرێکاران و چینی بندەست بەهێز نەبێت ئەوە ئیرادەی دەسەڵات و مێشکی فرەویست وسەرکوتکاریش لاواز نابێت. لەو بەینەدا، ئەو مژارەی کە خوی وەک گرنگیەکی مێژوویی دەداتە بەرچاو، دامەزراندنی سیوان (چەتر) و میکانیزمێکی نوێیە کە بتوانێ لە ئاستی جیاوازدا، هێزە پێشکەوتوو، دیموکڕات، یەکسانگەرا و چەپەکان لێک نێزیک کاتەوە.
لەو چوارچێوەیەدا،کۆمەڵگای دیموکڕاتیک و ئازادی رۆژهەڵاتی کوردستان (کۆدار) سەرەڕای ئەوەیکە ئامادەیە بە هەموو هێزی تێکۆشانی خۆی، بە ئەرکە مێژوویەکانی خۆی هەڵسێت. لە هەموو حیزب، بزووتنەوە سیاسیو مەدەنیەکان، کەسایەتی و ڕووناک بیرانیش داوا دەکات کە بە هەستی بەرپرسیاری شۆڕشگێرانە، هەڵوێستی خۆیان لەو بارەیەوە رابگەیێنن و باس و گفتوگۆ لەبارەی دامەزراندنی میکانیزمێکی خەباتی هاوبەش بخەنە رۆژەڤی خۆیان. کۆدار هەروه ها داوا لە بیرمەند و پسپۆڕانی سیاسی و فکری کوردستان و ئیران دەکات تا بە بەشداری کردنی فکری و کرداری لەو مژارانە، یارمەتی پێکهێنانی دەرفەتو دەرەتانێکی پێویست بۆ ئاواکردنی (پلاتفۆرمی هێزە دیموکڕات و چەپەکان) بدەن.
کۆمەڵگای دیموکڕاتیک و ئازادی رۆژهەڵاتی کوردستان، کۆدار
١٥ی جۆزەردانی ٢٧١٧ی کوردی
